ПСИХОЛОГИЈА НА ДЕТЕТО Индивидуалната психологија во училиштето

Под познавање на човекот подразбираме познавање на личното однесување на некој човек кон другите, на оформеноста на неговото чувство за блискост. Училиштето не е на почетокот на таквиот развој на личноста, бидејќи тој почнува уште во семејството. Кога ќе почне школувањето, пак, детето се наоѓа пред една нова задача, исто како и наставникот. Ако детето е подобро подготвено за потребите на училиштето, тоа ќе има помалку проблеми, а ако е помалку подготвено неговите проблеми ќе се зголемуваат. Училиштето е еден експеримент, пробен испит кој покажува како детето е подготвено за својата социјална задача. Да биде добро подготвено значи да се вклучи, но не само да им се приклучи на другите, туку и да мисли на другите и да се интересира за нив...