Дон Жуан

Во својата новела Дон Жуан, Петер Хандке нуди сопствена визија за легендарниот заводник од историјата на литературата.

Приказната ја раскажува анонимниот наратор чија самотија еден ден ќе ја наруши Дон Жуан. Во секој ден од неделата што следува, Дон Жуан ги опишува авантурите што ги искусил во истиот ден од претходната недела. Станува збор за еротски авантури, при што Дон Жуан на Хандке е повеќе освојуван отколку што самиот освојува.

Новелата претставува моќна приказна за односите на еротското и суровото, за љубовното чувство што егзистира само додека е копнеж. Со умешно прикажување на суптилните нијанси во меѓучовечките односи, Хандке ја открива повеќеслојноста на сексуалноста, при што познатиот културолошки лик го користи за да даде остар коментар на многу аспекти од современиот живот.