Крвавата одаја

The Times ја рангираше авторката Анџела Картер на десеттото место на листата „50 најдобри британски автори од 1945 година наваму“.

Анџела Картер во оваа книга ги преработува најпознатите бајки од европското фолклорно наследство преку својот изразен феминистички пристап, при што доаѓа до преплетување на реалното и неочекуваното, комбинирање на сонот, бајката и митовите на секојдневјето.

Важен елемент во книгата е истражувањето на сексуалноста, и тоа мрачните аспекти на сексуалноста – инцестот и сексуалното насилство. Затоа може да се каже дека во Крвавата одаја доминираат ексцесот и трансгресијата, пречекорувањето на вообичаените граници и рушењето на воспоставените табуа.