ЦРНО КАКО ГАВРАН

Авторката Адриана Лизбоа пишува необична автобиографска приказна за растењето и потрагата по корените, истовремено давајќи интригантен поглед на животот на бразилската герила. Црно како гавран е роман за припаѓањето. Ликовите се во транзиција, а местата во кои живеат се привремени, несигурни и променливи. Главната хероина, Вања, ги раскажува своите сеќавања вградени во искрени, полни со тага пријателства, а книгата се завршува кога нејзиниот живот всушност и навистина почнува, односно кога конечно ќе го најде своето место во светот.