БОГ И РОКЕНРОЛ

„Во вревата на рокенролот, тишината на молитвата, нашата душа бара одговори.“

„Конфликтот меѓу светот на музиката и светот на верата носи длабоки тајни.“

„Животот е рокенрол, а верата е молитва на тоа патување“.

Сеќавања и извадоци од дневникот на еден монах за... Бога, душата, Црквата, современата уметност...

Господи, Ти знаеш дека оваа моја исповед не е упатена кон обичните, пристојни и добри луѓе, туку до оние страдални души, каков што бев и јас, а кои овој свет ги нарекува боеми, скитници, пробисвети и уличари, со надеж дека ќе увидат дека Бог чека токму такви луѓе да ги спаси и да ги прегрне во неговите топли небесни гради.
Човек кој во својата духовна глад, ќе проба и прифати дрога е како риба што голта црв од куката на јадицата.На самиот почеток го чувствува пријатниот вкус на црвот, сопствената крв и заситеноста. Потоа, бидејќи е малку олабавена од рибарот, таа заминува оттаму слободна и сита. Но, не далеку. Тогаш рибарот почнува полека да го затега конецот и нејзината слобода станува сè поограничена, а силата послаба, додека не го свари тој мртов црв, а потоа, на крајот, целосно изнемоштена, ја извлекува на суво и ја убива.

За да може човек исправно да суди за нешто, прво мора самиот тоа да го искуси, потоа да го разгледа, да го систематизира, потоа да го согледа како формулиран проблем и на крајот да предложи јасно решение, не теоретски, туку на дело, како што и самиот доживеал, проживеал и преживеал.