ЅВЕЗДИ

Проникнувањето на пејзажот, надворешниот свет што го опкружува човекот, човечката внатрешност, неговите чувства и мисли, се теми кои го окупирале Шимуновиќ. Во своите раскази тој живописно го опишал пејзажот на неговата родна Далматинска Загора. Покрај фокусирањето на деталните и живописни описи на локалното население од овој регион, Шимуновиќ во нив внесува и интересни ликови и животни приказни. Во некои јасно се забележува силен коментар за социјалната состојба во која се нашле луѓето, додека кај други акцентот е ставен на психолошките карактеризации, кои во некои приказни се претвораат во егзистенцијални прашања универзални за сите луѓе. Во некои раскази авторот иронично пристапува кон некои од ликовите, но во сите приказни има и ниво на сочувство и емпатија кон нив. Со овие раскази, Шимуновиќ на читателите успешно им ги пренесе чувствата на беспомошност, човечка отуѓеност, недоразбирање, но и на едноставност и убавина.