ПРАВОСЛАВНА ПСИХОЛОГИЈА Светите отци за депресијата

Секоја болест има духовни корени, но понекогаш е тешко да се препознаат. Неврозата е специфична болест меѓу другите психијатриски и соматски заболувања затоа што служи како своевиден морален барометар.

Нејзината поврзаност со сферата на духовноста е очигледна. Самиот почеток на болеста како резултат на духовни потреси и грижа на совеста, може да биде моментално.
Тешкотиите што се среќаваат при откривањето на причините што доведуваат до појава на неврози, настанаа пред сѐ затоа што повеќето научници и лекари се обиделе и понатаму се обидуваат да се потпираат исклучиво на својата сила без Божја помош и вера во Христа да го решат овој длабок проблем. Или целосно се негира духовноста на пациентот, или наместо тоа, акцентот е ставен на образованието и ерудицијата. Истражувањата на научниците од овој ков може да се споредат со трчање во круг. Таквата работа нема да вроди со плод. Патем, според мое мислење, точно се откриени многу последици од духовната болест кај човек кој страда од невроза. Ние веќе ја спомнавме патологијата на процесот на самооткривање, „невротичниот“ начин на размислување и спецификите на емоционалната реакција. Сепак, првично се случила промена на овие квалитети на духовно ниво и дури тогаш тоа некако влијаело на душевниот живот на човекот.

Покрај тоа, сè што кажавме до сега не се однесува само за неврози, туку и на поширока група на нарушувања, таканаречена „мала“ психијатрија (формирање на карак- терни црти, настанување психопатски случаи, итн.). Посакуваме меѓу научниците, вклучително и лекарите и психолозите, да има повеќе православни верници. Бидејќи истражувачката активност на човекот е ограничена со неговиот поглед на светот. Господи, дај ни мудрост и сила да лечиме ментални болести во Твојата слава!