Три книги за заблудите во воспитувањето, за родителската љубов и развојот на детската личност.
Не постои едно правило што важи за секое дете. Она што му помага на едно дете може воопшто да не му одговара на друго, а возраста, темпераментот и начинот на кој детето го доживува светот постојано се менуваат.
Овој пакет од три книги ни помага подобро да го разбереме детето што расте пред нас — што му е потребно во различните развојни периоди, како се разликуваат потребите на момчињата и девојчињата и како да го поддржиме развојот без непотребно да го контролираме.
Во пакетот добивате:
„Како да воспитате прекрасни момчиња“ – Иан Грант
Практична книга за родителите на момчиња, со конкретни совети за нивниот емоционален, социјален и личен развој. За границите, комуникацијата, самодовербата, одговорноста и предизвиците со кои момчињата се соочуваат додека растат.
„Како да воспитате прекрасни девојчиња“ – Иан и Мери Грант
Книга посветена на потребите и предизвиците во воспитувањето на девојчињата — од самодовербата и односот кон сопственото тело, до пријателствата, емоциите, притисоците од средината и градењето здрава слика за себе.
„Тајната на детството“ – Марија Монтесори
Едно од значајните дела на Марија Монтесори за природниот развој на детето. Наместо постојано да го обликуваме според нашите очекувања, книгата нè учи внимателно да го набљудуваме, да ги препознаваме неговите вистински потреби и да создадеме средина во која може самостојно да расте и да учи.
За кого е овој пакет?
За нас кога:
- сакаме подобро да го разбереме однесувањето на детето;
- не сакаме воспитувањето да го сведеме само на забрани и послушност;
- сакаме да знаеме кога да помогнеме, а кога да се повлечеме;
- се прашуваме дали на момчињата и девојчињата им пристапуваме на начин што навистина им одговара;
- сакаме да ја поттикнуваме самостојноста без да ја изгубиме родителската улога;
- бараме практични насоки, но и подлабоко разбирање на детскиот развој.
Трите книги се надополнуваат: две ни даваат конкретни насоки за растењето на момчињата и девојчињата, а Монтесори нè враќа кон основното прашање — дали навистина го гледаме детето такво какво што е, или такво какво што очекуваме да биде.
3 книги · 15 минути дневно · 90 дена
Колку подобро го разбираме детето, толку полесно можеме да препознаеме што навистина му е потребно од нас како родители.
Достава
Цената за достава на вашата пратка изнесува 100 денари во земјата и 1500 ден за други земји.
Нудиме бесплатна достава во земјата за нарачки над 3000 денари.
