Јунговата мапа на душата

Јунговите дела го променија мојот живот и животите на многу луѓе со кои соработував во последните 40 години…

Луѓето не се однесуваат секогаш рационално и во свој најдобар интерес. „Рационалниот човек“, врз кој се засноваат толку економски теории, е само делумен опис на тоа како човекот функционира. Токму потребата да ја разбере оваа помалку рационална страна на човековата природа го навела Јунг да го помине целиот свој живот во истражување на сето она што ги обликува и мотивира човековите емоции, фантазијата и однесувањето. Тој внатрешен свет бил темен и непознат во негово време. Но Јунг бил млад, храбар и предодреден за нови откритија. И открил дека таа непозната земја е населена… Според него, целиот свет виси на конец, а тој конец е човечката душа. И затоа е неопходно сите подобро да се запознаеме со неа.

Јунговата мапа на душата може да им користи на луѓето кои бараат водич или ориентација. На оние кои се изгубени може дури и да им го спаси животот… Слично на прекрасно илустрираните антички и ренесансни мапи на светот – нацртани пред цртањето на мапите да стане наука – мапата што ја создал Јунг е навистина величествена.