АЈДЕ ДА ИГРАМЕ ШАХ

АВТОР: ОРЦЕ ДАНЧЕВСКИ
Поднаслов: Шаховски приказни и истражувачки стратегии за новите шахисти.
ШТО СОДРЖИ КНИГАТА „АЈДЕ ДА ИГРАМЕ ШАХ“?
• Кратка историја и легенда за шахот
• Придобивки кај децата од игарата шах
• Запознавање со алатките на играта (табла и фигури)
• Мини игри за совладување на движењата на фигурите
• Многу забавни факти за играта
• Задачи: мат во еден потег

ШТО Е ОРИГИНАЛНО И НАЈПРИВЛЕЧНО ВО НЕА?
• Мини игрите –докажани во пракса.
• По пат на асоцијација, ги споивме преку слика и стихови со познатите класични бајки за да можат децата полесно да ги запомнат.
• Тие се одлична алатка децата да научат:
• движењето на секоја фигура, разни вилушки, стапици и замки.

Во шахот има повеќе забава отколку што можете да си замислите!

ЗОШТО НИ Е ПОТРЕБНА ВАКВА КНИГА?
Со спој на елементи од сликовница и енциклопедија децата лесно ќе ја засакаат играта.
Шахот сѐ повеќе е игра за деца, а не за возрасни, зашто детската имагинација направи да се појават необични велемајстори –на возраст под 13 години.
Затоа ние немаме време за губење –иднината е наша.

КОЈА Е ЦЕЛТА НА КНИГАТА?
Шахот е изборен предмет кај нашите првачиња и вторачиња, па затоа сакаме:
• Да им дадеме поддршка на децата што побрзо да ја засакаат играта.
• Родителите да ги разберат придобивките од оваа игра.
• Наставниците да имаат одлично помошно сретство во наставата.
• Сакавме да биде забавна и за децата кои не знаат да читаат, па се разбира и за нивните баби, дедовци, родители и повозрасни браќа и сестри.

А откако ќе ги затворат кориците на книгата и магијата на шахот ќе ги обземе, бидете подготвени зашто тие со сигурност ќе сакаат да дадат мат!
ЗНАЧИ, АЈДЕ ДА ИГРАМЕ ШАХ!